Námslán Framtíðarinnar

Framtíðin lánar bæði framfærslu- og skólagjaldalán fyrir nám á Íslandi og erlendis.

Öllum umsóknum er svarað innan tveggja vikna.

Nám í öllum háskólum á Íslandi er lánshæft til framfærslu- og skólagjalda. Annað nám á Íslandi sem er lánshæft er m.a. starfsnám, endurmenntun, nám með vinnu og fleira. Framtíðin veitir einnig lán til framfærslu- og skólagjalda við erlenda háskóla sem hlotið hafa alþjóðlega viðurkenningu og gera sambærilegar kröfur til undirbúningsnáms og háskólar á Íslandi.

Lægsta upphæð sem hægt er að sækja um eru 250 þúsund krónur og sú hæsta 13 milljónir króna. Afborganir hefjast 6 mánuðum eftir námslok.

Námsmenn geta valið um verðtryggð lán eða óverðtryggð lán.

Námslán Framtíðarinnar eru jafngreiðslulán (annuitet) með allt að 12 ára endurgreiðslutímabili, sem hefst 6 mánuðum eftir námslok.

Kjör lána miðast við vaxtatöflu og gjaldskrá Framtíðarinnar á hverjum tíma. Vaxtakjör eru breytileg eftir lánshæfismati Framtíðarinnar sem byggir á ýmsum þáttum eins og lánshæfismati Creditinfo, skuldastöðu og námsgráðu. Almenn vaxtakjör eru eftirfarandi:

Vextir
Óverðtryggðir vextir Frá 9,10%
Verðtryggðir vextir Frá 6,70%

Óverðtryggðir vextir eru breytilegir og bundnir eins mánaðar REIBOR vöxtum (millibankavextir í íslenskum krónum). Verðtryggðir vextir eru breytilegir og bundnir flokki íbúðabréfa HFF 150434 sem skráður er í kauphöll Nasdaq OMX Iceland.

Lántökugjald er 3,95%.

Sýnidæmi 1

Óverðtryggt framfærslulán að upphæð 125.000 kr. mánaðarlega frá janúar 2017 til júní 2017 og námslok í júní 2017:

Lánsupphæð: 789.125 kr.

Lántökugjald: 29.625 kr.

Skjalagerð: 9.500 kr.

Vextir: 9,60%

Endurgreiðslutímabil: 12 ár

Dagsetning fyrstu afborgunar: 1. desember 2017

Fyrsta greiðsla 6 mánuðum eftir námslok: 10.448 kr.

Samtals greitt: 1.697.623 kr.

Árleg hlutfallstala kostnaðar: 14,30%

Sýnidæmi 2

Verðtryggt framfærslulán að upphæð 125.000 kr. mánaðarlega frá janúar 2017 til júní 2017 og námslok í júní 2017:

Lánsupphæð: 945.050 kr.

Lántökugjald: 29.625 kr.

Skjalagerð: 9.500 kr.

Vextir: 7,45%

Endurgreiðslutímabil: 12 ár

Dagsetning fyrstu afborgunar: 1. desember 2017

Fyrsta greiðsla 6 mánuðum eftir námslok: 9.307 kr.

Samtals greitt: 1.493.722 kr.

Árleg hlutfallstala kostnaðar: 11,71%

skv. breytingu síðustu 12 mánaða á vísitölu neysluverðs

Lántökum býðst að taka greiðsluhlé allt að þrisvar sinnum yfir lánstímann.

Við gerum okkur grein fyrir að það getur ýmislegt komið upp hjá lántökum okkar á lánstímanum, hvort sem um er að ræða veikindi eða tímabundið atvinnuleysi.

Lántökum stendur til boða að fresta greiðslum í allt að þrjá mánuði í senn lendi þeir í aðstæðum sem gera þeim erfitt um vik að greiða af námsláninu. Á þessu tímabili leggjast ógreiddir vextir við höfuðstól. Lántökum býðst að taka allt að þrjú greiðsluhlé yfir lánstímann, en í mesta lagi tvö greiðsluhlé yfir hvert tólf mánaða tímabil.